Logo Torah-Box
Torah PDF

Ketouvim (hagiographes) » Job (Iyov)

Chapitre 34

Afficher le commentaire de RachiAfficher en Français Télécharger le PDF
34,1
וַיַּעַן אֱלִיהוּא וַיֹּאמַר.
34,2
שִׁמְעוּ חֲכָמִים מִלָּי וְיֹדְעִים הַאֲזִינוּ לִי.
34,3
כִּי אֹזֶן מִלִּין תִּבְחָן וְחֵךְ יִטְעַם לֶאֱכֹל.
34,4
מִשְׁפָּט נִבְחֲרָה לָּנוּ נֵדְעָה בֵינֵינוּ מַה טּוֹב.
34,5
כִּי אָמַר אִיּוֹב צָדַקְתִּי וְאֵל הֵסִיר מִשְׁפָּטִי.
34,6
עַל מִשְׁפָּטִי אֲכַזֵּב אָנוּשׁ חִצִּי בְלִי פָשַׁע.
34,7
מִי גֶבֶר כְּאִיּוֹב יִשְׁתֶּה לַּעַג כַּמָּיִם.
34,8
וְאָרַח לְחֶבְרָה עִם פֹּעֲלֵי אָוֶן וְלָלֶכֶת עִם אַנְשֵׁי רֶשַׁע.
34,9
כִּי אָמַר לֹא יִסְכָּן גָּבֶר בִּרְצֹתוֹ עִם אֱלֹהִים.
34,10
לָכֵן אַנְשֵׁי לֵבָב שִׁמְעוּ לִי:חָלִלָה לָאֵל מֵרֶשַׁע וְשַׁדַּי מֵעָוֶל.
34,11
כִּי פֹעַל אָדָם יְשַׁלֶּם לוֹ וּכְאֹרַח אִישׁ יַמְצִאֶנּוּ.
34,12
אַף אָמְנָם אֵל לֹא יַרְשִׁיעַ וְשַׁדַּי לֹא יְעַוֵּת מִשְׁפָּט.
34,13
מִי פָקַד עָלָיו אָרְצָה וּמִי שָׂם תֵּבֵל כֻּלָּהּ.
34,14
אִם יָשִׂים אֵלָיו לִבּוֹ רוּחוֹ וְנִשְׁמָתוֹ אֵלָיו יֶאֱסֹף.
34,15
יִגְוַע כָּל בָּשָׂר יָחַד וְאָדָם עַל עָפָר יָשׁוּב.
34,16
וְאִם בִּינָה שִׁמְעָה זֹּאת הַאֲזִינָה לְקוֹל מִלָּי.
34,17
הַאַף שׂוֹנֵא מִשְׁפָּט יַחֲבוֹשׁ וְאִם צַדִּיק כַּבִּיר תַּרְשִׁיעַ.
34,18
הַאֲמֹר לְמֶלֶךְ בְּלִיָּעַל רָשָׁע אֶל נְדִיבִים.
34,19
אֲשֶׁר לֹא נָשָׂא פְּנֵי שָׂרִים וְלֹא נִכַּר שׁוֹעַ לִפְנֵי דָל:כִּי מַעֲשֵׂה יָדָיו כֻּלָּם.
34,20
רֶגַע יָמֻתוּ וַחֲצוֹת לָיְלָה:יְגֹעֲשׁוּ עָם וְיַעֲבֹרוּ וְיָסִירוּ אַבִּיר לֹא בְיָד.
34,21
כִּי עֵינָיו עַל דַּרְכֵי אִישׁ וְכָל צְעָדָיו יִרְאֶה.
34,22
אֵין חֹשֶׁךְ וְאֵין צַלְמָוֶת לְהִסָּתֶר שָׁם פֹּעֲלֵי אָוֶן.
34,23
כִּי לֹא עַל אִישׁ יָשִׂים עוֹד לַהֲלֹךְ אֶל אֵל בַּמִּשְׁפָּט.
34,24
יָרֹעַ כַּבִּירִים לֹא חֵקֶר וַיַּעֲמֵד אֲחֵרִים תַּחְתָּם.
34,25
לָכֵן יַכִּיר מַעְבָּדֵיהֶם וְהָפַךְ לַיְלָה וְיִדַּכָּאוּ.
34,26
תַּחַת רְשָׁעִים סְפָקָם בִּמְקוֹם רֹאִים.
34,27
אֲשֶׁר עַל כֵּן סָרוּ מֵאַחֲרָיו וְכָל דְּרָכָיו לֹא הִשְׂכִּילוּ.
34,28
לְהָבִיא עָלָיו צַעֲקַת דָּל וְצַעֲקַת עֲנִיִּים יִשְׁמָע.
34,29
וְהוּא יַשְׁקִט וּמִי יַרְשִׁעַ וְיַסְתֵּר פָּנִים וּמִי יְשׁוּרֶנּוּ וְעַל גּוֹי וְעַל אָדָם יָחַד.
34,30
מִמְּלֹךְ אָדָם חָנֵף מִמֹּקְשֵׁי עָם.
34,31
כִּי אֶל אֵל הֶאָמַר נָשָׂאתִי לֹא אֶחְבֹּל.
34,32
בִּלְעֲדֵי אֶחֱזֶה אַתָּה הֹרֵנִי אִם עָוֶל פָּעַלְתִּי לֹא אֹסִיף.
34,33
הֲמֵעִמְּךָ יְשַׁלְּמֶנָּה כִּי מָאַסְתָּ כִּי אַתָּה תִבְחַר וְלֹא אָנִי וּמַה יָּדַעְתָּ דַבֵּר.
34,34
אַנְשֵׁי לֵבָב יֹאמְרוּ לִי וְגֶבֶר חָכָם שֹׁמֵעַ לִי.
34,35
אִיּוֹב לֹא בְדַעַת יְדַבֵּר וּדְבָרָיו לֹא בְהַשְׂכֵּיל.
34,36
אָבִי יִבָּחֵן אִיּוֹב עַד נֶצַח: עַל תְּשֻׁבֹת בְּאַנְשֵׁי אָוֶן.
34,37
כִּי יֹסִיף עַל חַטָּאתוֹ פֶשַׁע בֵּינֵינוּ יִשְׂפּוֹק וְיֶרֶב אֲמָרָיו לָאֵל.
Soyez le premier à commenter ce cours !
Newsletter Torah-Box

Pour recevoir chaque semaine les nouveaux cours et articles, inscrivez-vous dès maintenant :

Pélerinage Rabbi Its'hak Abi'hssira
J-25 Mercredi 1er Avril | Pessa'h dans un village vacances en Israël au bord de la mer J-320 Jeudi 21 Janvier | Pélerinage Rabbi Its'hak Abi'hssira
Voir tous les événements à venir
Horaires pour Columbus

7 Mars 2026 - 18 Adar 5786

  • 06:03 Mise des Téfilines
  • 06:56 Lever du soleil
  • 12:43 Heure de milieu du jour
  • 18:30 Coucher du soleil
  • 19:09 Tombée de la nuit

Chabbath Vayakhel - Pékoudé
Vendredi 13 Mars 2026

Entrée à 19:18
Sortie à 20:18

Changer de ville

Nous contacter
+33.1.80.20.5000 France
+972.2.37.41.515 Israël
+1.437.887.14.93 Canada
Contactez-nous sur WhatsApp